அதிகாரம் 118 : கண்விதுப்பழிதல்

மறைபெறல் ஊரார்க்கு அரிதன்றால் எம்போல்
அறைபறை கண்ணார் அகத்து. [118:10]

விளக்கக் குறள் :
முரசாய்ப் பறைசாற்றும் கண்ணிருந்து செய்தி
அறிந்துகொள்வ(து) ஊரார்க்(கு) எளிது

அதிகாரம் 51 : தெரிந்து தெளிதல்

பெருமைக்கும் ஏனைச் சிறுமைக்கும் தத்தம்
கருமமே கட்டளைக் கல் [51:05]

விளக்கக் குறள் :
பெருமை சிறுமையின் தன்மையைக் காட்டும்
உரைக்கல்லாம் செய்யும் செயல்

அதிகாரம் 50 : இடனறிதல்

சிறுபடையான் செல்லிடம் சேரின் உறுபடையான்
ஊக்கம் அழிந்து விடும் [50:08]

விளக்கக் குறள் :
சிறுபடை என்றாலும் ஏற்றஇடம் வாய்த்தால்
பெரும்படையை வீழ்த்தி விடும்

அதிகாரம் 046 : சிற்றினம் சேராமை

நிலத்தியல்பால் நீர்திரிந் தற்றாகும் மாந்தர்க்கு
இனத்தியல்ப தாகும் அறிவு
[46:02]

விளக்கக் குறள் :

சேர்ந்த நிலத்தின் தரம்காட்டும் நீர்;அதுபோல்
சார்ந்தஇனம் காட்டும் அறிவு

அதிகாரம் 095 : மருந்து

நோய்நாடி நோய்முதல் நாடி அதுதணிக்கும்
வாய்நாடி வாய்ப்பச் செயல். [95:08]

விளக்கக் குறள் :
குறிப்புணர்ந்து காரணம் ஆராய்ந்து தீர்க்கும்
முறையறிந்து செய்தல் சிறப்பு