நோனா உடம்பும் உயிரும் மடலேறும்
நாணினை நீக்கி நிறுத்து [114:02]
1)
நான்எனது உள்ளம் அழுக்காக; ’நாள்நோக்கி’
நாணம் தொலைத்தேன் துணிந்து
2)அழுக்கடைந்த(து) உள்ளம் உடம்பு; தொழுகிறேன்
நானும்என் நாணம் தொலைத்து
3)
அழுக்கடைந்த(து) உள்ளம் உடம்பு; மடலேற
நாணம் தொலைத்தேன் துணிந்து
வகையறிந்து தற்செய்து தற்காப்ப மாயும்
பகைவர்கண் பட்ட செருக்கு. [88:08]
விளக்கக் குறள் :
வழியறிந்து தன்வலியால் தற்காப்போர் முன்னால்
அழியும் பகையின் திமிர்
இனிய உளவாக இன்னாத கூறல்
கனியிருப்பக் காய்கவர்ந்(து) அற்று [10:10]
விளக்கக் குறள் :
இன்சொல் விடுத்துக் கடும்சொல்லால் சாடல்;
கனிதவிர்த்துக் காய்சுவைத்தாற் போன்று ...........(அ)
கூடுதல் விளக்கம் :)
இனிமேல் எதனால் கலகம்; அதனால்
இனிமையாய்ப் பேசிப் பழகு ................................(ஆ)
உறுதோறு உயிர்தளிர்ப்பத் தீண்டலால் பேதைக்கு
அமிழ்தின் இயன்றன தோள். [111:06]
விளக்கக் குறள் :
தழுவும் பொழுதெல்லாம் புத்துயிர் தந்திடும்;
நல்லமுதாம் என்னவள் தோள்
அன்றறிவாம் என்னாது அறஞ்செய்க மற்றது
பொன்றுங்கால் பொன்றாத் துணை. [04:06]
விளக்கக் குறள் :
இயன்ற வரைஅன்றே செய்அறம்; நிற்கும்
உயிர்நீத்த பின்பும் புகழ் .(அ)
அயர்வின்றி அன்றே அறம்செய்; அதுவே
உயிர்நீக்கும் காலத் துணை .(ஆ)
புல்லா திராஅப் புலத்தை அவர்உறும்
அல்லல்நோய் காண்கம் சிறிது. .[131:01]
விளக்கக் குறள் :
தழுவா(து) இருஅவரை நீயும்; அவர்பெறும்
அல்லல்நோய் காண்போம் சிறிது
அறனறிந்து மூத்த அறிவுடையார் கேண்மை
திறனறிந்து தேர்ந்து கொளல்
விளக்கக் குறள் :
அறமுணர்ந்த மூதறிஞர் நட்பை; அடையும்
முறையறிந்து சேர்தல் சிறப்பு
ஊருணி நீர்நிறைந் தற்றே உலகவாம்
பேரறி வாளன் திரு
விளக்கக் குறள் :
பேரறிவா ளன்செல்வம்; தாகம் தணிக்கநல்
நீர்தரும் ஊருணியை போன்று
